Анастасия Давыдова — FAST FORWORD туралы пікір

2018 M01 26

Алексей мен Татьяна, қайырлы күн. Біздің айналысып жатқанымызға 3 ай болды, нәтиже де бар :) Бұрын да жазған едім, бірақ қазір ілгерілеудің күн санап артып келе жатқанын айтқым келеді: - Сөзі толысып, көркемдене түсті (есімше мен көсемше орамдары, құрмалас сөйлемдер мен жаңа сөздер пайда болды); - Өмірді ересек адамша түсіне бастады. Күйеуім екеуміздің ойымызша, ол ақыры балабақша жасынан мектеп жасына өтіп, бір белесті бағындырғандай болды. Біз мұны өте ұзақ күттік!!!! Яғни, психологиялық тұрғыдан, біздің ойымызша, ол қазір шамамен 7 жаста (бұрын психолог тесттері бойынша 4-5 жаста болатын). Естеріңізге сала кетейін, Машаның туғаннан бергі жасы 10-да. Мысалы, 2 ай бұрын ауа райы туралы әңгімеміз былай болатын: Маша далаға шығып: - Неткен суық! Мен: - Қыс қой. Маша: - Қысты қаламаймын! Жазды қалаймын!!! Жазды қалаймын! Мен: - Олай болмайды. Бұл – табиғат заңы. Қазір қыс. Маша: - Жазды қалаймыыыын!!!!! Жазды әкелші!!! Ал бірнеше күн бұрынғы ауа райы туралы әңгімеміз: Маша далаға шығып: - Неткен суық. Мен: - Қыс қой енді. Маша: - Оны түсінемін. Ал, мысалы, Тайландта қазір сондай жылы. - Иә, енді оқуы жайлы. Жақсара түсті! Әсіресе орыс тілі – бірақ әзірге нағыз «үштік». Математикасы да сәл жақсарды. Логикалық ойлау қабілеті қосыла бастады (бұрын мүлдем жоқ еді). Мәселен, кеше үйге берілген есептерді менің көмегімсіз өзі шығарды. Әзірге теңдеулер мен геометрия (шеңбер, үлестер, т.б.) қиындау соғып жатыр. - Мектеп пәні ретінде ағылшын тілі туралы бөлек айтайын. Бұрын Маша мектепте 3-ші жыл оқып жатса да, бұл тілді «мүлдем» түсінбейтін. Үй тапсырмасын сол үшін өзім орындайтынмын, ол жай ғана көшіріп алатын (әрең дегенде), ал мәтіннің үстіне орыс әріптерімен сөздерді және аудармасын жазып қоятынмын. Мен бұл пәнге қолымды бір сілтегенмін. Оған қайдан шамамыз жетсін. Осы жолы демалыстан келдік. Тапсырманы орындау үшін оқулықты ашып, оған «оқы» дедім (бұрын да әдет бойынша, жай айта салатынмын), сол кезде Маша оқи бастады! Дұрыс оқи бастады! Мен таңғалғаннан орнымнан құлап қала жаздадым! Содан кейін берілген сөзжұмбақты өзі шешті (суреттері бар оңай сөзжұмбақ, бірақ өзі шешті!!!). Қуанғаннан, тіпті, демім бітіп қалғандай болды. Бәрін жазып жеткізе алмайсың. Дегенмен осындай қуанышымызбен бөліскім келді. Арқамызға қанат біткендей болды! :) Сіздерге рақмет! Иә, сыйлыққа берілген бағдарламаға келетін болсақ, әзірге онымен айналысуға уақыт жоқ. Жазда тілмен тыңғылықты айналысамыз деп ойлаймыз. Тағы да рақмет!

Хат немесе хабарлама түпнұсқасы — 2018 M01 26

Түпнұсқаны толық көру үшін нобайды басыңыз.

Толық көлемде ашу